نومنتخب وزیراعظم کا کم سے کم اجرت 25 ہزار روپے کرنے کا اعلان

 

نومنتخب وزیراعظم کا کم سے کم اجرت 25 ہزار روپے کرنے کا اعلان
پاکستان کے 23ویں وزیرعظم منتخب ہونے والے شہباز شریف نے اپنے پہلے ہی خطاب میں عوام کو ریلیف دینے کا فیصلہ کرتے ہوئے مزدور کی کم سے کم اجرت 25 ہزار روپے کرنے کا اعلان کردیا۔


مسلم لیگ (ن) کے صدر شہباز شریف 174 ووٹوں سے پاکستان کے 23ویں صدر منتخب ہوئے جس کے بعد انہوں نے قومی اسمبلی میں خطاب کرتے ہوئے اعلان کیا کہ وہ گزشتہ حکومت کی جانب سے کی جانے والی مہنگائی کا زور کسی حد تک کم کرنے کیلئے عوام کو فوری ریلیف دے رہے ہیں۔

نومنتخب وزیراعظم شہباز شریف کی جانب سے ریٹائرڈ ملازمین کی پنشن میں بھی 10 فیصد اضافے کا اعلان کیا۔ انہوں نے کہا کہ ان تمام چیزوں کا اطلاق یکم اپریل 2022 سے فوری طور پر ہوجائے گا۔


دوسری جانب نومنتخب وزیراعظم شہباز شریف نے ملکی سرمایہ کاروں سے اپیل کی کہ وہ بھی یکم اپریل سے ایک لاکھ تک تنخواہ والے ملازمین کی تنخواہوں میں بھی 10 فیصد اضافہ کریں۔


واضح رہے سابق وزیراعظم عمران خان کی جانب سے گزشتہ سال کے وفاقی بجٹ میں مزدور کی کم سے کم ماہانہ تنخواہ 20 ہزار روپے مقرر کی تھی جب کہ سندھ واحد صوبہ تھا جس نے گزشتہ بجٹ میں ہی کم سے کم تنخواہ 25 ہزار روپے کردی تھی۔

0/Post a Comment/Comments

براہ کرم کمنٹ باکس میں کوئی سپیم لنک نہ ڈالیں۔

Facebook Comments APPID